తుఫాన్ బీభత్సం.. రోడ్డుపై కూలిన భారీ చింతచెట్టు

కాకినాడ జిల్లా పిఠాపురం మండలం కుమారపురం గ్రామంలో తుఫాన్ బీభత్సం నెలకొంది. జిల్లా పరిషత్ ఉన్నత పాఠశాల సమీపంలో భారీ చింతచెట్టు ఒక్కసారిగా పిఠాపురం–సామర్లకోట ప్రధాన రహదారిపై కూలిపోయింది. చెట్టు విద్యుత్ వైర్లపై పడటంతో విద్యుత్ సరఫరాకు అంతరాయం ఏర్పడింది. ప్రధాన రహదారిపై చెట్టు కూలిపోవడంతో వాహనాల రాకపోకలకు తీవ్ర ఇబ్బందులు ఎదురయ్యాయి. చెట్టు కూలిన సమయంలో రోడ్డుపై ఎవరూ లేకపోవడంతో పెను ప్రమాదం తప్పింది. తుఫాన్ ప్రభావంతో భారీ చెట్టు రోడ్డుపై కూలడంతో స్థానికులు ఆందోళనకు గురయ్యారు.